Святы сінод кананічна непрызнанай Украінскай праваслаўнай царквы Кіеўскага патрыярхата (УПЦ КП) абвінаваціў Расію ў спробах перашкодзіць працэсу атрымання аўтакефаліі — прызнання ад Сусветнага патрыярхата Канстанцінопаля.
«Вядомыя шматлікія факты палітычнага і дзяржаўнага ўмяшання з боку Расійскай Федэрацыі і пракрамлёўскіх палітычных сілаў ва Украіне ў працэс прызнання з мэтай перашкодзіць яму», - гаворыцца ў паведамленні, апублікаваным на сайце УПЦ КП.
Паводле інфармацыі кіеўскай царквы, Масква «праз дыпламатычныя і іншыя каналы» аказвае «ціск» на Канстанцінопальскі патрыярхат і іншыя памесныя праваслаўныя царквы.
У прыклад прыводзіцца збор подпісаў супраць атрымання ўкраінскай царквой аўтакефаліі, якія, сцвярджае УПЦ КП, арганізаваны «пракрамлёўскімі палітычнымі структурамі». У прыватнасці, Украінская праваслаўная царква Маскоўскага патрыярхата, якая ўваходзіць у РПЦ, «выкарыстоўваючы свой уплыў», распаўсюджвае «падпісныя лісты» у парафіях патрыярхата ва Украіне, сцвярджаюць у УПЦ КП.
У сувязі з гэтым УПЦ КП выказвае пратэст «супраць умяшання Расіі ў царкоўныя справы».
Сінод Сусветнага патрыярхата ў Канстанцінопалі ужо разгледзеў прашэнне Украіны аб прадастаўленні аўтакефаліі і мае намер узаемадзейнічаць з іншымі праваслаўнымі цэрквамі для вырашэння гэтага пытання. З прапановай надзяліць УПЦ КП паўнамоцтвы незалежнай царквы выступіў прэзідэнт Украіны Пятро Парашэнка, яго падтрымала Вярхоўная рада.
У УПЦ МП заяўлялі, што Сусветны патрыярхат адказны за агульнаправаслаўнае адзінства і «не зробіць нічога такога, што б гэтаму адзінству перашкодзіла».
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія1
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары