Прэзідэнт УЕФА: Фінал ЛЧ не павінны прымаць гарады, у якіх фанаты вымушаныя начаваць у гаражах
Прэзідэнт УЕФА Аляксандр Чэферын раскрытыкаваў улады і жыхароў Кіева за тое, што тыя не змаглі забяспечыць заўзятарам, якія прыехалі на фінал Лігі чэмпіёнаў, дастойныя месцы начлегу па прымальных цэнах.
«Раней людзі, якія прымалі рашэнне аб месцы правядзення фіналу ЛЧ казалі: «Хачу даць вам гульню». Цяпер жа горад дае поўнае дасье, а таксама свае канкурэнтныя перавагі.
Кіеў выдатны, але заўзятары не могуць нават зняць пакой пад лесвічным пралётам за сотні еўра. Я буду прапаноўваць, каб наяўнасць гасцінічнай інфраструктуры была вызначальнай пры выбары горада, які прымае фінал.
Права на правядзенне фіналу не павінны выйграваць гарады, у якіх фанаты вымушаныя начаваць у гаражах», - сказаў Чэферын.
Каментары