Старшыня камітэта Дзяржаўнай думы Расіі па пытаннях сям'і, жанчын і дзяцей Тамара Плятнёва заклікала расіянак не ўступаць у інтымныя сувязі з замежнікамі падчас Чэмпіянату свету па футболе. Пра гэта яна сказала ў інтэрв'ю радыёстанцыі «Гаворыць Масква».
На думку Плятнёвай, падобныя паводзіны расіянак «прыводзяць да нараджэння дзяцей у няпоўных сем'ях».
«Нават калі жэняцца, вязуць да сябе, потым яна не ведае, як адтуль (вярнуцца — рэд.). Потым ходзяць да мяне ў камітэт такія, плачуць дзяўчаткі, што дзіця вывезлі, забралі і гэтак далей».
Плятнёва кажа, што «досвед Алімпіяды-80 прывёў да з'яўлення ў краіне мноства маці-адзіночак».
«Добра, калі яшчэ адной расы, а калі іншай расы, то зусім. Мы сваіх дзяцей павінны нараджаць. Я не нацыяналіст, але тым не менш», — сказала Плятнёва.
-
У Брытаніі доктар праводзіў аперацыю, выйшаў пазаймаўся сэксам з медсястрой, вярнуўся і ўсё дарабіў
-
Злоўленая на здрадзе ў часе канцэрта Coldplay топ-менеджарка кампаніі Astronomer разводзіцца з мужам
-
«Тайка пакрыўдзілася і ўвесь час пыталася: «Дык ты гей?» Як беларусы за мяжой хадзілі на спатканні з мясцовымі
Жонка Статкевіча расказала, пра што паспела паразмаўляць з ім13
Каментары