Шэсць чалавек пацярпелі ў лабавым сутыкненні двух аўтамабіляў пад Мінскам, паведаміла БелТА прадстаўнік ДАІ Мінска раёна Кацярына Сільчанка.
ДТЗ адбылося 10 ліпеня, каля 10.30 паблізу садовага таварыства «Западгор'е». Кіроўца за рулём Mazda ехаў па дарозе Крыжоўка — Ратамка і на закругленні налева ва ўмовах абмежаванага агляду заняў крайняе левае становішча на праезнай частцы.
«Таму ён не саступіў дарогу «Фальксвагену», што рухаўся насустрач, адбылося сутыкненне. У выніку ДТЗ кіроўцы і чатыры пасажыры «Фальксвагена» атрымалі цялесныя пашкоджанні, яны дастаўлены ў медустанову», — распавяла Кацярына Сільчанка.
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада28
Каментары