Вялікае журы прад'явіла завочныя абвінавачванні 12 супрацоўнікам расійскіх спецслужб, іх падазраюць ва ўзломе камп'ютарных сетак кандыдата ў прэзідэнты ЗША ад дэмакратаў Хілары Клінтан і сетак самой партыі, паведаміў на брыфінгу першы намеснік міністра юстыцыі Род Розенстайн.
Гэтыя абвінавачванні зробленыя ў рамках расследавання па Расіі, якое праводзіць пракурор Роберт Мюлер. Расследаванне звязана з меркаваным замежным умяшаннем у ход прэзідэнцкіх выбараў у ЗША. Расія неаднаразова адхіляла падобныя абвінавачванні ў свой адрас.
Паводле Розенстайна, гаворка ідзе пра 12 супрацоўнікаў Галоўнага ўпраўлення Генштаба Узброеных сіл Расіі, якіх вінавацяць у крадзяжы імёнаў і пароляў валанцёраў перадвыбарнай кампаніі Хілары Клінтан, а таксама даных кіраўніка яе перадвыбарчага штаба Джона Падэсты. Сцвярджаецца, што супрацоўнікі спецслужбы, якая раней называлася ГРУ, таксама ўзламалі камп'ютарную сетку Нацыянальнага камітэта Дэмакратычнай партыі. Паводле Розенстайна, хакерскія дзеянні пачаліся прыкладна ў сакавіку 2016 года.
У абвінаваўчым заключэнні гаворыцца пра змову, мэта якой — здзяйсненне злачынства супраць ЗША, а таксама пра крадзеж асабістых даных і змову з мэтай адмывання грошай.
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам16
Каментары