Расійскія рок-гурты «Ёрш», «Элізіум» і «Порнафільмы», а таксама ўкраінскі гурт «Пошлая Молі» і спявачка Манетачка адмовіліся ад удзелу ў музычным рок-фэсце «Нашэсце» з-за ўдзелу ў мерапрыемстве Міністэрства абароны Расіі. Такую інфармацыю апублікавалі на старонках гуртоў «Укантакце».
«Нам паступіла інфармацыя ад арганізатараў — супрацоўніцтва фестывалю і Міністэрства абароны ўсё ж працягнецца, хоць 2 месяцы таму, калі мы згаджаліся на ўдзел, інфармацыя была іншай. Ніякай прапаганды мілітарызму — гэта было нашай галоўнай умовай удзелу ў фестывалі «Нашэсце»», — гаворыцца ў заяве гурту «Порнафільмы».
«У дадзенай сітуацыі, адмова ад удзелу — адзіны магчымы варыянт для гурту «Элізіум». Пацыфізм і антымілітарызм — для нас не пустыя словы», — напісалі рок-музыкі.
Цяпер чытаюць
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары