Прэзідэнт Расіі Уладзімір Пуцін і прэм'ер-міністр Дзмітрый Мядзведзеў прыехалі на цырымонію развітання з народным артыстам СССР, дэпутатам Дзярждумы Іосіфам Кабзонам, перадае РБК.
Цырымонія праходзіць у маскоўскай Канцэртнай зале імя Чайкоўскага. На развітанне з артыстам таксама прыйшлі прэс-сакратар прэзідэнта Дзмітрый Пяскоў і мэр сталіцы Сяргей Сабянін.
Труна Кабзона, акружаная вянкамі ад калег і сяброў, размешчана на сцэне. Там жа разам са сваякамі сядзіць першая жанчына-касманаўт Валянціна Церашкова. Ушанаваць памяць Кабзона прыйшлі дзясяткі чалавек, сярод іх кіраўнік фракцыі «Адзіная Расія» у Дзярждуме Сяргей Нявераў, спявачка Валерыя з мужам Іосіфам Прыгожыным, спявак Алег Газманаў і многія іншыя.
Іосіф Кабзон памёр 30 жніўня ад анкалагічнага захворвання на 81-м годзе жыцця. Рак дыягнаставалі ў артыста ў 2005 годзе. З гэтага часу Кабзон прайшоў праз дзве аперацыі і хіміятэрапію.
Каментары