Тэрмін санацыі ААТ «Кіруючая кампанія холдынгу «Забудова» працягнуты да 15 ліпеня 2023 года. Гэта прадугледжана пастановай Саўміна № 669 ад 13 верасня, піша tut.by.
Урад узгадніў хадайніцтва Мінскага аблвыканкама.
Санацыя «Забудовы» пачалася ў лістападзе 2015 года. У 2017 Эканамічны суд Мінскай вобласці працягнулі тэрмін санацыі да 19 ліпеня 2018. Суд не задаволіў хадайніцтва «Мінскэнерга» пра пачатак ліквідацыйнай вытворчасці «Забудовы».
Санацыя - гэта не банкруцтва, калі маёмасць сыходзіць з малатка. Санацыя - гэта фінансавае аздараўленне, растэрміноўка пагашэння даўгоў «Забудовы», падкрэслівалі на прадпрыемстве.
Асноўным відам дзейнасці «Забудовы», у якой дзяржаве належыць 63% акцый, з'яўляецца вытворчасць сценавых блокаў. Выручка кампаніі ў 2017 годзе склала 21,3 млн рублёў, страты ад рэалізацыі - 516 тыс. рублёў, чыстыя страты - за 1,2 млн рублёў. У «Кіруючай кампаніі холдынгу «Забудова», якая знаходзіцца ў пасёлку Чысць Маладзечанскага раёна, працуе больш за 600 чалавек, вынікае з справаздачнасці кампаніі.
Цяпер чытаюць
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары