Фота Вадзіма Заміроўскага
Дысцыплінарны орган УЕФА разгледзеў інцыдэнты на гасцявым фанацкім сектары падчас матчу Лігі нацый Малдова — Беларусь, што прайшоў у Кішынёве 11 верасня. У выніку Беларуская федэрацыя футбола аштрафавана на 3 тысячы еўра, паведамляе прэс-служба АБФФ.
Як паведамлялася, у ходзе стартавых матчаў Лігі нацый УЕФА з удзелам нацыянальнай зборнай Беларусі былі зафіксаваныя інцыдэнты з выкарыстаннем піратэхнічных вырабаў.
У выніку на асацыяцыю БФФ за інцыдэнт на матчы Малдова — Беларусь накладзены штраф у памеры 3000 еўра.
Раней БФФ заклікала фанатаў адмовіцца ад палітычных крычалак і выкарыстання піратэхнікі на матчах Лігі нацый супраць Люксембурга і Малдовы, што пройдуць 12 і 15 кастрычніка ў Мінску.
Каментары