Кіраўнік евангельскіх хрысціян-баптыстаў пра словы мітрапаліта Паўла: Будзем дабраслаўляць тых, хто нас праклінае
Леанід Міховіч.
Чытайце таксама: Мітрапаліт Павел: Баптысты як цыганы — агітуюць, пакуль не аббяруць чалавека ВІДЭА
Епіскап Саюза евангельскіх хрысціян-баптыстаў у Беларусі Леанід Міховіч асудзіў заявы праваслаўнага мітрапаліта Мінскага і Заслаўскага Паўла пра баптыстаў, у якіх той назваў іх сектантамі, параўнаў іх негатыўна з цыганамі і заклікаў не кантактаваць з імі на рэлігійныя тэмы.
«Мы лічым такія заявы ў адрас іншых вернікаў або асоб іншай нацыянальнасці недапушчальнымі, асабліва ад чалавека, які займае такое высокае становішча. Гісторыя і культура Беларусі вучыць нас памяркоўнасці і зычлівасці ў дачыненні да людзей любых нацыянальнасцяў і вернікаў розных канфесій, улічваючы, што права на свабоду веравызнання замацавана законам», — заявіў ён.
Леанід Міховіч выказаў надзею, што мітрапаліт Павел прызнае сваю памылку. «Памятаючы запаведзі Хрыста, будзем дабраслаўляць тых, хто нас праклінае, чыніць добрае ненавіснікам нашым і маліцца за крыўдзіцеляў», — сказаў епіскап.
«Жадаем дасраслаўлення і дастатку ўсім народам, што насяляюць наш прыгожы край, у тым ліку цыганам, і асабліва цыганам-баптыстам, якія ёсць у нашых цэрквах», — падкрэсліў Леанід Міховіч.
Цяпер чытаюць
Расіянка расказвала пра глыбінную моц Лукашэнкі — цяпер яна ў слязах з'язджае з Беларусі14
Каментары