29 лістапада было задаволена хадайніцтва галоўнага рэдактара БелаПАН Ірыны Леўшынай аб спыненні крымінальнага пераследу на падставе арт. 86 КК (Вызваленне ад крымінальнай адказнасці з прыцягненнем асобы да адміністрацыйнай адказнасці).
Ірына Леўшына заплаціла адміністрацыйны штраф 30 базавых велічынь (735 рублёў). Зараз па «справе БелТА» яна праходзіць як сведка. Падпіска аб нявыездзе адменена, як і забарона на выезд з краіны. Акрамя гэтага, Леўшынай вярнулі жорсткія дыскі, канфіскаваныя ў жніўні пры вобшуку ў яе дома, а таксама пры ператрусе ў рэдакцыі кампаніі БелаПАН.
Абвінавачванні з Ірыны Леўшынай былі знятыя ў дзень яе нараджэння.
На гэты момант абвінавачванай па «справе БелТА» застаецца толькі галоўны рэдактар партала Tut.by Марына Золатава. Марыну Золатаву абвінавачваюць па ч. 2 арт. 425 Крымінальнага кодэкса Беларусі (Бяздзейнасць службовай асобы). Санкцыі па гэтым артыкуле прадугледжваюць ад штрафу да пяці гадоў пазбаўлення волі. Усяго ж па «справе БелТА» праходзілі 15 журналістаў і рэдактараў.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары