Беларускі тэнісіст Максім Мірны абвясціў пра завяршэнне кар'еры. Ён змясціў адкрыты ліст на сайце Беларускай тэніснай федэрацыі.
«Гэта было цяжкае для сябе рашэнне улічваючы, што тэніс з'яўляецца маім жыццём з самага ранняга дзяцінства. Я шчаслівы, што мне ўдалося так доўга атрымліваць асалоду ад гэтай гульні!
Выступаючы на асабістых турнірах, альбо гуляючы за краіну я заўсёды ставіўся да сваёй прафесіі з высокай ступенню гонару і павагі, заўсёды працаваў з поўнай аддачай і, таму выходжу з гульні без нейкага шкадавання і толькі на пазітыве! Мне ўдалося дасягнуць на шмат больш, пра што малы з Мінска мог марыць, узяўшы ў руку ракетку.
Мой доўгі шлях быў бы немагчымым без пастаяннай падтрымкі маёй сям'і. Я застануся ў вечным доўгу перад сваімі бацькамі, якія мяне з малых гадоў выхоўвалі ў лепшых спартыўных традыцыях і вучылі жыццю. На раннім этапе мой бацька стаў ключавой фігурай у маёй кар'еры, праходзячы са мной усе ўзроўні развіцця як трэнер, менеджар і як сябар. Мая жонка і дзеці заўсёды мяне напаўнялі неверагоднай падтрымкай і вельмі натхнялі прасоўвацца наперад»
Мірны ў лісце падзякаваў усім, хто падтрымліваў, сустракаўся на тэнісным шляху.
Максім Мірны — пераможца 53 турніраў ATP у парным разрадзе, 10 турніраў Вялікага шлему ў парным разрадзе і міксце, алімпійскі чэмпіён Лондана ў міксце (з Вікторыяй Азаранка), доўгачасовы лідар мужчынскай зборнай Беларусі. У Мінску ён заснаваў тэнісную акадэмію.
Каментары