Дэпутат Шаўцоў: Недапушчальна, што медыкі выстаўляюць у сацсеткі фота з п'яных вечарынак
У сацыяльных сетках медыкі не маюць права дзяліцца фота і відэа медыцынскіх маніпуляцый з пацыентамі.
Дэпутат Палаты прадстаўнікоў, старшыня Беларускай асацыяцыі дактароў Дзмітрый Шаўцоў лічыць недапушчальным, каб медработнікі ў сацсетках размяшчалі фота з п'яных вечарынак.
Такое меркаванне ён выказаў сёння журналістам, перадае БЕЛТА.
У сацыяльных сетках урач з дазволу кіраўніцтва можа падзяліцца, напрыклад, фатаграфіямі новага абсталявання. Але выкладваць на ўсеагульны агляд фота і відэа медыцынскіх маніпуляцый з пацыентам ён права не мае. «Гэта складае частку медычнай таямніцы і катэгарычна забаронена», — падкрэсліў Дзмітрый Шаўцоў, удакладніўшы, што дзяліцца падобнымі фота і відэа медыкі могуць толькі з калегамі — у прафесійных мэтах.
«Асабістыя фота і відэа — справа кожнага. Ёсць свабода самавыяўлення. Калі доктар лічыць, што можа выкласці, напрыклад, фота ў купальніку, то што тут такога?» — працягнуў ён.
Іншае пытанне, калі медык фатаграфуецца ў нецвярозым стане на вечарыне. «Лекар ў стане алкагольнага ап'янення або з цыгарэтай — гэта не ўкладаецца ў пазіцыі здаровага ладу жыцця, якія медык даносіць пацыенту», — перакананы парламентарый.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары