У аўтакатастрофе загінулі пяцёра жанчын-настаўніц. За рулём была 31-гадовая маладая жанчына, у машыне таксама ехалі яе пагодка і 22-х гадовая дзяўчына.
У ДТЗ у Гомельскім раёне загінулі пяцёра настаўніц Навагуцкай дзіцячай музычнай школы.
Як паведамілі БелаПАН у аддзеле прафілактыкі і прапаганды УДАІ УУС Гомельскага аблвыканкама, паблізу вёскі Цяруха аўтамашына "Пежо", якой кіравала 31-гадовая жанчына, выехала на паласу сустрэчнага руху і сутыкнулася з "МАЗам", гружаным пяском.
Аўтамашыны з'ехалі ў кювет і перакуліліся. Вадзіцель "Пежо" і пасажыры 1945, 1947, 1977 і 1986 гадоў нараджэння загінулі, кіроўца "МАЗа" памешчаны ў бальніцу
Усе загінулыя — настаўніцы Навагуцкай дзіцячай музычнай школы, паведамляе БелаПАН.
"Камсамольская праўда" ў Беларусі" дадае, што настаўніц - яны ўсе жылі ў Гомелі - не выратавала нават тое, што яны былі прышпіленыя рамянямі, і спрацавалі падушкі бяспекі.
— Раней гамяльчане вярталіся службовым аўтобусам, але ўжо больш году ён не курсуе, таму ездзілі ці маршруткай, ці на сваіх машынах, па чарзе возячы адзін другога, — цытуе выданне Ларысу Халько, калегу загінулых. — У аўторак яны казалі, што ледзьве дабраліся, машыну пастаянна заносіла, яны яшчэ не паспелі паставіць зімовую гуму. А дзяўчаты ўсе нявопытныя, нядаўна правы атрымалі.
У сераду Ірыне цэлы дзень тэлефанаваў муж, але яна пакінула тэлефон у машыне. Было мноства прапушчаных тэлефанаванняў, потым яна, нарэшце, адказала. Муж моцна хваляваўся, як яна даехала да школы. Нібы папярэджваў, прадчуваў нешта страшнае. У Іры засталася маленькая дачка, у Аксаны — хлопчык, а Даша наогул нядаўна ўзяла шлюб.
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9
Каментары