Трэнерам Паліны Рэспублікі на ўкраінскім шоу «Х-фактар» быў Алег Віннік. У новым «Току» мы спыталі ў Паліны, які Віннік у жыцці і ці сапраўды яму не даюць праходу натоўпы фанатак.
— Твой настаўнік — Алег Віннік. Не ты ж яго абрала, так склаўся лёс. Як з ім было працаваць? Для беларусаў, якія глядзяць украінскі ютуб, ён вядомы персанаж, сэкс-сімвал. З іншага боку, шмат хто з яго смяецца. Якія ў вас былі адносіны?
— Ён вельмі круты артыст і адэкватны чалавек. Я не думала, што я дайду да гэтых эфіраў, туды паеду, буду мець нейкія стасункі з Алегам Віннікам.
Падчас апошняга этапу мне было непрыемна, калі ён выйшаў на сцэну. Мне падалося, што ён вельмі такі фамільярны. Нас абняў. Фу! Мне такое не падабаецца. Аднак, калі гэта ўсё скончылася, да яго падышла армія жанчын з букетам ананасаў і ў цішотках з яго выявай. Ён з імі паразмаўляў. Пасля ён падышоў да дзяўчат, якія не прыйшлі і пачаў ім даваць вельмі карысныя думкі. Адной ён сказаў: «Паслухай, у цябе вельмі цікавая знешнасць, голас. Ты можаш паспрабаваць прайсці кастынг у тэатр, напрыклад. Ты рабі так і так. Не хвалюйся, усё будзе добра». Гэта было вельмі дзіўна. Я не думала, што ён так падыдзе і будзе размаўляць.
Ён аказаўся вельмі адэкватным чалавекам, які разумее сваю аўдыторыю, [ведае], як з ёй працаваць. І пры ўсім пры гэтым ён з павагай ставіцца да сваёй аўдыторыі. Безумоўна, яна фрыкаватая. Нават ты гэта адчуваеш, бо ў яго шмат суполак, нам там увесь час прывозілі кветкі ад «суполкі Алега Вінніка» з Міргарада (умоўнага). І вось яны падарылі нам ружы. І мы мусілі запісаць прывітанне суполцы Алега Вінніка з гэтага горада. Ці было вельмі шмат паведамленняў у вайбер: «Дайце мне яго нумар, калі ласка, мне вельмі патрэбна з ім звязацца». Гэта было вельмі дзіўна. А ён так казаў: «Гэта мае «шанавальніцы», я не называю іх фанаткамі». Ён працуе, і ён адэкватны.
Глядзець выпуск цалкам:
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары