Падчас «Вялікай размовы з прэзідэнтам» эксперт Яраслаў Раманчук раскрытыкаваў эканамічную несвабоду ў Беларусі, заявіўшы, што сілавікі часта «кашмараць» бізнэс і не даюць яму развівацца. Аляксандр Лукашэнка з ім не пагадзіўся, адзначае Tut.by.
«Дай Бог любой дзяржаве такіх сілавікоў. З недахопамі, але дай Бог кожнаму, — заявіў ён. — Яны не ў кланах. Яны не ў групоўках. Гэта людзі прэзідэнта, адказныя перад ім. Хоць да прызначэння на пасаду я нікога не ведаў. У мяне сяброў тут няма. Увогуле, у мяне ва ўладзе няма сябрукоў. Тыя, якія былі, два-тры чалавекі, адседзелі ў турме і сёння займаюцца сваімі справамі, сем'і глядзяць, бо занадта свабодна сябе паводзілі. І лічылі, што ім у краіне магчыма рабіць усё. Не трэба намёкаў, што нехта кашмарыць (бізнэс), а я ледзь не групаўшчыну развёў. Гэтага не будзе. Я прэзідэнтам не буду хутчэй, чым у мяне будзе гэтая групаўшчына. Бо гэта гібель для дзяржавы — паглядзіце вакол.
Аляксандр Лукашэнка настойвае, што сілавікі не прымаюць рашэнні па эканамічных пытаннях. У якасці прыкладу ён прывёў распрацоўку IT-дэкрэта, над якім, паводле яго слоў, працавалі выключна эканамісты і прадстаўнікі IT-сектара:
— Усе прапановы зыходзілі ад айцішнікаў. Аднаго нават з турмы дасталі, не буду называць прозвішча, вы яго ведаеце. Да мяне прыйшлі, кажуць: вось, хлопец, такі-сякі. Я кажу: «За што трапіў?» — «Падаткі» — «Падаткі, — кажу, — гэта нават размовы быць не можа». Але заплаціў, нават лішняе пераплаціў. І той, хто за яго прасіў, шчыра кажучы, у бюджэт заплаціў не адзін мільён даляраў.
Чытайце таксама:
Прэс-канферэнцыя Аляксандра Лукашэнкі: Калі сёння правесці рэферэндум аб аб'яднанні Беларусі і Расіі, 98% прагаласуюць супраць
Лукашэнка: «Што кепскага, калі каля Курапат рэстаран? Зайшлі, чарку выпілі»
Лукашэнка: Прэзідэнтам Украіны застанецца Парашэнка
Качанава — сімпатычная, худзенькая. У адрозненне ад многіх нашых чыноўніц
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары