74‑гадовы нямецкі мільярдэр Адольф Мэркле, уладальнік фармацэўтычнага канцэрна «Ратыёфарм», кінуўся пад цягнік непадалёк ад свайго дому.
74‑гадовы нямецкі мільярдэр Адольф Мэркле, уладальнік фармацэўтычнага канцэрна «Ратыёфарм», кінуўся пад цягнік непадалёк ад свайго дому.У рэйтынгу самых багатых людзей планеты Forbes Мэркле займаў 94‑е месца.
Мэркле з асабістай маёмасцю паводле розных ацэнак ад 7 да 11 мільярдаў еўра быў адным з найбагацейшых людзей Нямеччыны. Апроч вытворчасці медыкаментаў, Мэркле валодаў таксама канцэрнам, які вырабляў будаўнічыя матэрыялы. На ягоных прадпрыемствах, агульны кошт якіх ацэньваецца ў 30 мільярдаў еўра, працуе 100 тысяч чалавек.
Мільярдэр кінуўся пад цягнік вечарам у панядзелак і загінуў імгненна, але паведамленне пра ягоную смерць з’явілася толькі праз суткі.
Сям’я, якой мільярдэр пакінуў развітальны ліст, называе прычынай самагубства магната цяжкі эканамічны стан, у якім апынуўся бізнэс Мэркле ў выніку сусветнага фінансавага крызісу.
Прычынай эканамічных цяжкасцяў Мэркле эксперты лічаць няўдалыя аперацыі з акцыямі канцэрна «Фальксваген». Запазычанасці бізнэсу Мэркле ацэньваюцца экспертамі ад 700 мільёнаў да 1 мільярда эўра.
Вядомыя палітыкі й бізнэсоўцы Нямеччыны ўжо выступілі з высокімі ацэнкамі жыцця й дзейнасці Адольфа Мэркле ды выказалі свае спачуванні яго сваякам.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары