Беларусь і Казахстан адмаўляюцца закупляць тавары з маркіроўкай «Зроблена ў Крыму», тлумачачы гэта складанай геапалітычнай сітуацыяй, распавёў у інтэрв'ю РИА Новости кіраўнік Гандлёва-прамысловай палаты Расіі Сяргей Катырын.
«Ёсць праблема выхаду на рынкі збыту крымскіх таваравытворцаў, у тым ліку на экспарт. У святле нестабільнай палітычнай сітуацыі ў многіх месцах насцярожана ставяцца да рэалізацыі прадукцыі з маркіроўкай «Зроблена ў Крыму», у прыватнасці, Казахстан і Беларусь адмаўляюцца ад закупкі такіх тавараў», — заявіў суразмоўца агенцтва.
«На жаль, асноўныя праграмы АТ «Расійскі экспартны цэнтр» (падтрымка прасоўвання нашых тавараў на замежныя рынкі) у Крыму не рэалізуюцца. У сувязі з гэтым у мэтах выхаду на экспарт і прасоўвання крымскай прадукцыі прадпрыемствы вымушаныя рэгістравацца ў іншых рэгіёнах», — заўважыў кіраўнік палаты.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»3
Каментары