На Случчыне мясцовы жыхар адкрыў вясковую бібліятэку — з сотнямі кніг і без бібліятэкара
У сярэдзіне чэрвеня Леанід Гапановіч у вёсцы Бязверхавічы Слуцкага раёна адкрыў бібліятэку для мясцовых жыхароў. Яна знаходзіцца ў газетным кіёску і называецца «У Сафіі» — у гонар адной з унучак. Там больш за 2000 кніг з архіва Леаніда і іншых случчакоў: класічная літаратура, дзіцячая, фантастыка, прыгоды, гістарычныя раманы, кнігі па ваеннай тэматыцы. Ёсць таксама газеты і часопісы, піша Інфа-Кур'ер.
Як распавёў «Кур'еру» Леанід Гапановіч, ідэя стварэння такой бібліятэкі з'явілася паўгода таму пасля таго, як ён падвозіў у горад мясцовую жыхарку, якая ехала ў гарадскую бібліятэку памяняць кнігі. У вёсцы бібліятэкі ўжо няма некалькі гадоў: перастала працаваць пасля расфарміравання клуба, кажа Леанід.
Ідэю мясцовага жыхара падтрымала і Валянціна Ражанец, дэпутат Палаты прадстаўнікоў.
Народная бібліятэка ў Бязверхавічах адрозніваецца ад звычайнай: напрыклад, там няма бібліятэкара і абанементаў. Працуе толькі па выходных з 10 да 18 гадзін. Калі Леанід Гапановіч у адпачынку, то і ў буднія дні. Людзі могуць прыйсці і ўзяць любую колькасць кніг, а потым вярнуць. Зараз стваральнік бібліятэкі займаецца вопісам усіх кніг.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары