Ураджэнка Беларусі Алена Ліс, якая нарадзілася ў Драгічынскім раёне Берасьцейскай вобласьці і балятавалася ў Вярхоўную Раду як вылучэнка партыі «Слуга народу» за крок да перамогі на мажарытарнай акрузе ў Чарнавецкай вобласьці, піша «Радыё Свабода».
Пасьля апрацоўкі 49,07% выбарчых пратаколаў яна набірае 34,41% галасоў. Яе бліжэйшы канкурэнт Мікола Федарук — 13,29%.
Тры іншыя выхадцы зь Беларусі не пераадолелі канкурэнцыю.
Найлепшага выніку дасягнуў ураджэнец Гомля Эдуард Шчаглакоў. Ён балятаваўся ад «Апазыцыйнай плятформы «За жыцьцё!» у 107-й выбарчай акрузе ў Лісічанску Луганскай вобласьці, дзе працуе сакратаром гарадзкой рады. Ён заняў трэцяе месца з 72 галасамі (16,28 %).
Яшчэ адзін беларус, Уладзімер Шутаў, які нарадзіўся ў вёсцы Склімін Магілёўскай вобласьці і таксама балятаваўся ў гэтай жа акрузе, заняў апошняе, 23-е месца. За яго не прагаласаваў ніводзін выбарнік. На гэтай акрузе перамог самавылучэнец Аляксандар Сухаў.
Аляксандар Кротаў, які нарадзіўся ў Карэлічах Навагрудзкага раёну Горадзенскай вобласьці і балятаваўся шляхам самавылучэньня ў 34-й аднамандатнай выбарчай акрузе з цэнтрам у паселішчы Царычанка Днепрапятроўскай вобласьці, таксама заняў апошняе, 20-е месца. Ягоную кандыдатуру падтрымаў 51 выбарнік (0,14 %). Дэпутатам ад гэтай акругі выбралі вылучэнца праўладнай партыі «Слуга народу» Дзьмітра Чорнага.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары