Na vybarach u Viarchoŭnuju Radu Ukrainy pieramahaje ŭradženka Biełarusi
Uradženka Biełarusi Alena Lis, jakaja naradziłasia ŭ Drahičynskim rajonie Bieraściejskaj vobłaści i balatavałasia ŭ Viarchoŭnuju Radu jak vyłučenka partyi «Słuha narodu» za krok da pieramohi na mažarytarnaj akruzie ŭ Čarnavieckaj vobłaści, piša «Radyjo Svaboda».
Paśla apracoŭki 49,07% vybarčych pratakołaŭ jana nabiraje 34,41% hałasoŭ. Jaje bližejšy kankurent Mikoła Fiedaruk — 13,29%.
Try inšyja vychadcy ź Biełarusi nie pieraadoleli kankurencyju.
Najlepšaha vyniku dasiahnuŭ uradženiec Homla Eduard Ščahłakoŭ. Jon balatavaŭsia ad «Apazycyjnaj platformy «Za žyćcio!» u 107-j vybarčaj akruzie ŭ Lisičansku Łuhanskaj vobłaści, dzie pracuje sakratarom haradzkoj rady. Jon zaniaŭ treciaje miesca z 72 hałasami (16,28 %).
Jašče adzin biełarus, Uładzimier Šutaŭ, jaki naradziŭsia ŭ vioscy Sklimin Mahiloŭskaj vobłaści i taksama balatavaŭsia ŭ hetaj ža akruzie, zaniaŭ apošniaje, 23-je miesca. Za jaho nie prahałasavaŭ nivodzin vybarnik. Na hetaj akruzie pieramoh samavyłučeniec Alaksandar Suchaŭ.
Alaksandar Krotaŭ, jaki naradziŭsia ŭ Kareličach Navahrudzkaha rajonu Horadzienskaj vobłaści i balatavaŭsia šlacham samavyłučeńnia ŭ 34-j adnamandatnaj vybarčaj akruzie z centram u pasieliščy Caryčanka Dnieprapiatroŭskaj vobłaści, taksama zaniaŭ apošniaje, 20-je miesca. Jahonuju kandydaturu padtrymaŭ 51 vybarnik (0,14 %). Deputatam ad hetaj akruhi vybrali vyłučenca praŭładnaj partyi «Słuha narodu» Dźmitra Čornaha.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja30
Kamientary