У Іерусаліме адбылося сутыкненне мусульманаў з іўдзеямі, ёсць пацярпелыя
Сутыкненне паміж мусульманамі, што сабраліся на маленні ў гонар Курбан-Байрама, і паліцыяй адбылося на Храмавай гары ў Іерусаліме, паведамляюць інфармагенцтвы.
Умяшанню паліцэйскіх папярэднічаў канфлікт мусульман з іўдзеямі ля ўваходу на тэрыторыю святыні. Каб развесці натоўп, праваахоўнікі ўжылі святлошумавыя гранаты. У выніку сутыкнення ёсць пацярпелыя сярод прадстаўнікоў дзвюх рэлігій, аднак дакладная колькасць пакуль не называецца.
У дні ісламскіх святаў Храмавая гара адкрытая толькі для наведнікаў, якія вызнаюць іслам, але сёлета Курбан-байрам супаў з Дзявятым ава — нацыянальным днём жалобы яўрэйскага народа — днём, калі былі разбураныя Першы і Другі Іерусалімскія храмы. Прадстаўнікі іўдзейскіх арганізацый прасілі ўлады забяспечыць ім уваход у святыню, але паліцыя ў мэтах бяспекі абмежавала іўдзеям доступ на Храмавую гару.
Курбан-байрам з'яўляецца адным з двух галоўных святаў ісламу, свята заканчэння хаджу, які адзначаецца праз 70 дзён пасля Ураза-Байрама, свята разгавення пасля месяца посту Рамадана.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары