Праграміст у Мінску наўмысна пашкодзіў машыну жанчыны, якая не хацела аддаваць доўг
Мінчанка пазычыла ў знаёмага і доўга не аддавала грошы, за што ён яе і «пакараў», паведамляе міліцыя.

Жыхарка сталіцы, раз'язджаючы па горадзе на сваёй машыне, не адразу зразумела, што ў транспарце маецца няспраўнасць. Калі жанчына здагадалася, што дзірку ў радыятары хтосьці зрабіў наўмысна, тут жа адправілася ў міліцыю.
Падазраваць сталі несудзімага інжынера-праграміста. Ён прызнаўся, што сапсаваў чужую маёмасць. Аказалася, што мужчына раней пазычыў мінчанцы грошы і доўгі час не атрымліваў іх назад. Тады ён уначы пашкодзіў машыну даўжніцы.
Цяпер мсціўцу прыйдзецца пакрыць шкоду ў памеры 1 тысяча рублёў. Акрамя таго, начная вылазка крэдытора на паркоўку атрымае прававую ацэнку.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя
Каментары