Мужчына хваліўся ў турме сваім паспяховым братам — былыя сукамернікі абрабавалі братаў дом
Жыхарка пасёлка Зялёны Бор наглядала за кватэрай роднага брата, пакуль той знаходзіцца ў камандзіроўках у Польшчы. У адзін з дзён жанчына пабачыла, што ў адным з вокнаў няма шыбы, але самым непрыемным аказалася нястача буйной сумы грошай, амаль $10 тысяч. Падрабязнасці крадзяжу перадае прэс-служба УУС Брэсцкага аблвыканкама.
Пра здарэнне яна паведаміла ў міліцыю.
Супрацоўнікі Івацэвіцкага РАУС высветлілі, што брат пацярпелага знаходзіцца турме. Сваім сукамернікам ён не раз распавядаў пра паспяховага сваяка. Выйшаўшы на волю, жыхар Бярозы, 1996 года нараджэння, і жыхар Пінска, 1994 года нараджэння, сустрэліся са сваім знаёмым пінчуком, 2001 года нараджэння. Абмеркавалі план дзеянняў і ноччу праніклі ў кватэру пацярпелага.
«Выручку» падзялілі паміж сабой, купілі два аўтамабілі і раз'ехаліся ў розныя бакі. На наступны дзень аператыўнікі затрымалі жыхара Бярозы ў яго дома, там жа была выяўленая частка выкрадзеных грошай.
Праз час пінчукі на адным з аўтамабіляў патрапілі ў «дробнае» ДТЗ, пашкодзіўшы набыты транспарт, праязджаючы па двары шматкватэрнага дома позна ўвечары. Спалохаліся і кінулі машыну. Па гарачых слядах іх затрымалі.
Па факце крадзяжу заведзеная крымінальная справа па ч. 3 арт. 205 КК Рэспублікі Беларусь.
-
У Лідскім раёне экіпаж ДАІ пад’ехаў да машыны, што моцна захрасла ў сумёце, і раскрыў адразу некалькі злачынстваў
-
52‑гадовая супрацоўніца абменніка ў Бабруйску скрала больш за паўмільёна рублёў дзеля гульні ў анлайн-казіно
-
Беларус дазволіў пажыць у сваёй кватэры знаёмаму. Той пакінуў пасля сябе непрыемны сюрпрыз
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ21
Каментары