Прадстаўнікі беларускай інтэлігенцыі звярнуліся да літоўскага ўраду з просьбай пахаваць аднаго з лідараў паўстання 1863 года Кастуся Каліноўскага ў Беларусі.
Гэта выклікала бурныя дыскусіі ў інтэрнэце. Адны падтрымліваюць прапанову, іншыя лічаць, што месцам пахавання Каліноўскага мусіць стаць Вільня.
«НН» спытала кіраўніка «Белай Русі» Генадзя Давыдзьку, што ён думае на гэты конт.
«Я лічу, што Кастусь Каліноўскі — гэта выдатная постаць у нашай гісторыі. І калі гэтае вяртанне магчымае, то канечне яго трэба падтрымліваць.
Няхай у нас будзе месца, дзе можна будзе схіліць галаву перад яго веліччу. Усё ж гэта адзін з найбольш знакамітых нашых суайчыннікаў.
Канечне, я б не быў супраць вяртання Каліноўскага. Час збіраць камяні, нашы гістарычныя камяні. Мне заўсёды было балюча бачыць помнікі беларусам, якіх лічаць прадстаўнікамі іншых краін. Той жа Іван Фёдараў — ён жа Федаровіч насамрэч.
Гэта асобы сусветнага гучання. Трэба, каб усе памяталі, што яны беларусы. І будзе цудоўна, калі гэтым людзям можна будзе пакланіцца на роднай зямлі. Пра што тут можа ісці гутарка?» — разважае Давыдзька.
Цяпер чытаюць
Лукашэнка даручыў Рыжанкову пачаць перамовы з літоўцамі4
Каментары