Супраць пратэстоўцаў у Ганконгу ўпершыню выкарысталі баявыя патроны ВІДЭА
У Ганконгу адзін з удзельнікаў масавай акцыі пратэсту, прымеркаванай да 70-й гадавіны ўтварэння КНР, атрымаў агнястрэльнае раненне ў грудзі. Паведамленні СМІ пацвердзіла паліцыя. Яна сцвярджае, што паліцэйскі страляў у мэтах самаабароны, перадае Радыё Свабода.
Медыкі пацвердзілі, што ў сутыкненнях былі параненыя не менш за 15 чалавек, адзін з іх у крытычным стане — як сцвярджаецца, менавіта ён атрымаў агнястрэльнае раненне. Па інфармацыі Бі-бі-сі, паранены 18-гадовы школьнік.
Раней паліцыя, па яе сцверджаннях, толькі страляла ў паветра, каб разагнаць людзей.
Сутыкненні ў Ганконгу ў аўторак — адны з самых жорсткіх за апошнія месяцы. У розных раёнах горада ўдзельнікі акцый пратэсту ўзводзілі барыкады, супраць паліцэйскіх выкарыстоўваліся кактэйлі Молатава. Паліцыя ўжывала слезацечны газ, вадамёт, гумовыя кулі. Было закрыта мноства станцый метро.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары