17 верасня ў аператыўна-дзяжурную службу Цэнтральнага РАУС Гомеля звярнулася жанчына. Яна паведаміла, што невядомыя ўдарылі электрашокерам яе 14-гадовага сына, паведамляе міліцыя.
Міліцыянеры высветлілі, што напярэдадні яе сын разам з сябрам ішоў са школы №72. Па дарозе ім сустрэлася кампанія маладых людзей, якія забаўляліся, б'ючы адзін аднаго электрашокерам. Убачыўшы выпадковых мінакоў, яны наляцелі на падлеткаў і пачалі на іх выпрабоўваць шокер. Адзін падлетак пацярпеў ад удару токам, другі быў моцна напалоханы.
Супрацоўнікі міліцыі знайшлі хуліганаў. Імі аказаліся 17-гадовы і 15-гадовы хлопцы, якія раней траплялі ў поле зроку праваахоўнікаў. Старэйшы, дарэчы, судзімы за рабаванне.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў1
Каментары