БНБ-Банк прапанаваў новы сімвал нацыянальнай валюты з літарай «Ў» ФОТА
БНБ-Банк выпусціў абнаўленне дадатка imbanking.by, у якім упершыню прапануецца і выкарыстоўваецца арыгінальнае напісанне сімвала ў выглядзе 22-й літары беларускага алфавіту «Ў» для абазначэння беларускага рубля.
Цікава заўважыць, што літара «Ў» прысутнічае на кожным папяровым грашовым знаку беларускага рубля. Прапанаваная літара, без усялякага перабольшання, з'яўляецца адным з сімвалаў беларускай нацыянальнай ідэнтычнасці — у Беларусі ёй нават усталяваны помнік у горадзе Полацку.
Безумоўна, адным з сімвалаў незалежнасці для дзяржавы з'яўляецца нацыянальная валюта. Варта адзначыць, што далёка не кожная валюта можа пахваліцца ўласным графічным абазначэннем. Можа, і праўда прыйшоў час беларускага рубля займець уласнае графічнае абазначэнне, такое блізкае, роднае і ўнікальнае для беларускага народа, як «Ў»!
«Ў» — гэта літара, якая падкрэслівае аўтэнтычнасць і ідэнтычнасць беларускай самасвядомасці.
Вы можаце аддаць свой голас у падтрымку новага знака на сайце symbol.imbanking.by.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары