У Кітаі назвалі першыя сімптомы каранавіруса. І гэта не толькі гарачка і кашаль
Кітайскае дзяржаўнае інфармацыйнае агенцтва Сіньхуа паведамляе, што такія тыповыя прыкметы пнеўманіі, як гарачка і кашаль, не з'яўляюцца адзінымі першымі сімптомамі, якія з'яўляюцца ў людзей, заражаных новым каранавірусам, піша NHK.
Вялікую колькасць пацыентаў абследавалі ва ўніверсітэцкай бальніцы ў горадзе Ухань у правінцыі Хубэй, дзе першапачаткова адбылася ўспышка гэтага захворвання.
У многіх пацыентаў першымі сімптомамі былі дыярэя, млоснасць, галаўны боль, стомленасць ці праблемы са стрававальнай, а таксама нервовай сістэмай.
Паколькі гэта перашкаджае дыягнаставанню захворвання на ранняй стадыі, медыцынскія супрацоўнікі заклікаюць быць пільнымі.
Каментары