прадстаўнікі магілёўскіх уладаў пакінулі Сацыяльны форум.
прадстаўнікі магілёўскіх уладаў пакінулі Сацыяльны форум.Прыняць закон аб малым і сярэднім бізнесе запатрабаваў падчас свайго выступлення 15 сакавіка на ІІІ Сацыяльным форуме, што праходзіць у Магілёве, адзін з лідэраў прадпрымальніцкага руху Алесь Таўстыка.
Паводле яго слоў, законапраект быў распрацаваны і перададзены ў Палату прадстаўнікоў ужо два гады таму. «Ад прыняцця гэтага закону залежыць жыццё прадпрымальнікаў, іх сем’яў і сваякоў, якія таксама ўдзельнічаюць у бізнесе», — сказаў актывіст.
Пры гэтым А.Таўстыка запатрабаваў канкрэтных рашэнняў па падтрымцы прадпрымальніцтва на рэгіянальным узроўні ад прысутных у зале прадстаўнікоў Магілёўскага аблвыканкама і Магілёўскага гарвыканкама.І зрабіў гэта ў дастаткова рэзкай і эмацыянальнай форме.
У адказ чыноўнікі пакінулі Сацыяльны форум.
У наступным выступленні былы дэпутат палаты прадстаўнікоў Вольга Абрамава падтрымала патрабаванні А.Таўстыкі, але пры гэтым заявіла, што выніку можна дабіцца толькі «шляхам узгаднення інтарэсаў» уладай і малым бізнесам.
Паводле яе слоў, у новым складзе палаты прадстаўнікоў ёсць і былыя прадпрымальнікі, таму прадстаўнікам бізнесу трэба працаваць з імі. В.Абрамава зазначыла, што такая работа больш канструктыўная, чым эмацыянальныя выступы на форумах і круглы сталах. «Дыялог з уладай трэба пачынаць не з канфліктаў, а з добразычлівага або, прынамсі, нейтральнага стаўлення да яе прадстаўнікоў», — сказала В.Абрамава.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары