У Брэсце сёння абвясцілі прысуд у дачыненні да былога дырэктара Пружанскага завода радыёдэталяў, перадае БелТА.
Судовая калегія па крымінальных справах у адкрытым паседжанні разгледзела крымінальную справу і прызнала былога кіраўніка вінаватым у атрыманні хабару ў асабліва буйным памеры - гэта значыць па частцы 3. арт. 430. яму прызначана пакаранне ў выглядзе сямі гадоў пазбаўлення волі з адбываннем у папраўчай калоніі ўзмоцненага рэжыму. Таксама ён пазбаўлены права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на пяць гадоў.
Суд вярнуў ў даход дзяржавы 19,4 тыс. рублёў, а таксама маёмасць падсуднага (мэбля, бытавая тэхніка, гараж, аўтамабіль, матацыкл і іншае).
Яго змоўшчык, дырэктар ТАА, прызнаны вінаватым па ч.2 арт. 431 КК — дача хабару ў буйным памеры. Ён прыгавораны да двух гадоў пазбаўлення волі з адбываннем у папраўчай калоніі ўзмоцненага рэжыму. Мужчыну ўзялі пад варту ў зале суда.
Прысуд можна абскардзіць і апратэставаць ў апеляцыйным парадку ў Вярхоўным судзе ва ўстаноўлены законам тэрмін.
Дырэктар Пружанскага завода радыёдэталяў быў затрыманы з доказамі злачынства 2 ліпеня ў Мінску. Кіраўнік прадпрыемства атрымаў незаконнае ўзнагароджанне ў памеры $ 1,2 тыс. ад заснавальніка камерцыйнай структуры. Грошы прызначаліся за спрыяльнае вырашэнне пытанняў гаспадарчых узаемаадносін паміж дзвюма арганізацыямі. Падчас следства было ўстаноўлена, што дырэктар завода сістэматычна браў хабар ад прадстаўніка гэтай фірмы — практычна штомесяц на працягу некалькіх гадоў.
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада46
Каментары