Сёння Міністэрства аховы здароўя заявіла пра першы выпадак каранавіруса ў Беларусі — і людзі сталі актыўна скупляць маскі і супрацьвірусныя прэпараты. Сайт сістэмы браніравання аптэчнай сеткі ADEL не вытрымаў і перастаў працаваць па тэхнічных прычынах. Каб прыняць усе званкі, на працу выйшлі нават тыя супрацоўнікі, якія былі ў адпачынку. Кампанія ADEL просіць беларусаў не панікаваць, піша Tut.by.
— Цяпер сайт сістэмы браніравання не працуе па тэхнічных прычынах. Гэта звязана з сур'ёзным павышэннем колькасці карыстальнікаў у сістэме браніравання. Сёння ўпершыню намі зафіксаваны ўсплёск, запыты забраніраваць супрацьвірусныя прэпараты і маскі выраслі ў 40 разоў, — распавядае TUT.BY Юлія Шпак, кіраўнік прэс-службы холдынгу «Аптэка груп».
Як адзначаюць у аптэчнай сеткі ADEL, колькасць зваротаў у кантакт-цэнтр холдынга «Аптэка груп» узрасла ў тры разы. Каб прыняць усе званкі, на працу выйшлі нават тыя супрацоўнікі, якія былі ў адпачынку.
— Сайт сеткі аптэк ADEL і сістэма браніравання адновяць працу ў найбліжэйшы час. Як супрацоўнікі самай буйной камерцыйнай сеткі аптэк мы просім пакупнікоў не паддавацца залішняй паніцы. Мы кожную гадзіну аналізуем сітуацыю па медыцынскіх вырабах, а таксама гатовыя адказаць на пытанні пакупнікоў аб мерах прафілактыкі каранавіруса, — кажа Юлія Шпак.
Паводле яе слоў, у аўторак у аптэкі было пастаўлена 9,5 тыс. масак, раніцай у пятніцу яны яшчэ былі ў продажы, а цяпер ужо усё разабралі. Наступная пастаўка запланаваная на панядзелак.
— Варта звярнуць увагу, што маска поўнасцю не засцерагае ад заражэння і распаўсюджвання інфекцыі. Эфектыўнай мерай прафілактыкі таксама з'яўляецца мыццё рук з мылам і выкарыстанне дадаткова антысептычнага геля. Толькі комплексныя меры, пра якія неаднаразова заяўлялі беларускія медыкі, забяспечаць неабходную прафілактыку, — каментуе Юлія Шпак, кіраўнік прэс-службы холдынгу «Аптэка груп».
У аптэчнай сетцы таксама рэкамендуюць не купляць лекі пра запас.
Цяпер чытаюць
Як за дарагую клініку для Лукашэнкі купілі права на забудову цэнтра Мінска3
Каментары