Амаль 3 тыс. выпадкаў заражэння новым каранавірусам было зафіксавана ў Іспаніі з пачатку распаўсюджвання інфекцыі ў краіне. Пра гэта паведаміла ў чацвер газета El Pais, паведамляе ТАСС.
Паводле яе інфармацыі, 84 чалавекі памерлі, 189 інфікаваных паправіліся. У сераду днём Міністэрства аховы здароўя заяўляла пра 2 тысячы захварэлых і 47 памерлых. Большасць хворых — 1388 — выяўлена ў аўтаномнай супольнасці Мадрыд.
Таксама стала вядома пра тое, што абедзве палаты парламента Іспаніі прыпынілі працу на 15 дзён. Усе члены ўрада Іспаніі, а таксама кароль Філіп VI і яго жонка Летысія зрабілі тэсты на каранавірус.
Першы выпадак заражэння каранавірусам у Іспаніі быў зафіксаваны 31 студзеня, колькасць хворых рэзка пачала расці пасля выяўлення лакальнай успышкі ў Італіі.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары