Жыхар Бабруйска Дзяніс М. распавёў «Радыё Свабода», што пасля акцыі «Антыпарад» у горадзе адбыліся затрыманні. Тут правесці акцыю заклікаў блогер Сяргей Ціханоўскі, затрыманы 6 мая і асуджаны на 15 сутак.
Паводле яго, агулам было затрымана каля 15 чалавек, якія накіроўваліся ў бок вакзала, ішлі па вуліцы, махалі рукамі і крычалі «Стоп таракан!». Сярод іх былі бабруйчане і прыезджыя. За пратэстоўцамі ехала машына міліцыі, усе яны былі затрыманыя, іх павезлі ў аўтобусе.
Як расказала «Свабодзе» прэс-сакратарка Аб’яднанай грамадзянскай партыі Ганна Красуліна, у Бабруйску затрымалі кіраўніцу Бабруйскай арганізацыі АГП і прафсаюза РЭП Галіну Смірнову, актывістаў Уладзіміра Раманоўскага і Аляксандра.
«Яны ішлі карміць галубоў, раздаваць газеты. Раздалі газеты каля лазні — паехаў аўтазак з магілёўскімі нумарамі», — паведаміла Красуліна.
Цяпер усе затрыманыя знаходзяцца ў Бабруйскім РАУС.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары