Кандыдат-2010 Дзмітрый Вус падтрымаў сёлетніх «кандыдатаў пратэсту»
Дзмітрый Вус, кандыдат у прэзідэнты на выбарах 2010 года, 31 мая прыйшоў на пікет на менскай Камароўцы і расказаў Радыё Свабода што прыйшоў туды падтрымаць Міколу Статкевіча, а таксама «ўсё жывое, што цяпер адбываецца».
«26 гадоў у нас будуецца рынкавы сацыялізм, — разважаў Дзмітрый Вус. — Перадвыбарчая кампанія Лукашэнкі зводзілася да таго, што 500 даляраў мусіць быць у кожнага работніка. За 26 гадоў гэта не зроблена. Пасля сельская гаспадарка мусіла быць паднятая — усё разбурана. Насельніцтва на мільён стала менш.Прыйшоў падтрымаць здаровы сэнс, каб не было гэткага. Рынкавы сацыялізм, які ён будуе, утопіяй атрымліваецца. Трэба рухацца, нешта новае рабіць».
«Мая асноўная задача была ў 2010 годзе — данесці да грамадскай думкі, што выбараў няма. Тады многія людзі яшчэ верылі ў тое, што выбары існуюць, — казаў Вус. — Я думаю, на сённяшні момант з гэтай задачай я справіўся.
Я прэтэндэнтаў усіх падтрымліваю, хто не пойдзе на выбарчыя ўчасткі. Ціханоўскага і тых, хто заявіць аб тым, што супраць выбараў такіх хлуслівых, усіх падтрымліваю».
Цяпер чытаюць
Польшча прызнала Аляксандра Машэнскага непажаданай асобай27
Каментары