У Брэсце зноў прайшла традыцыйная акцыя пратэсту супраць акумулятарнага завода
Днём 14 чэрвеня на плошчы Леніна ў Брэсце зноў прайшла традыцыйная акцыя пратэсту супраць акумулятарнага завода, які пабудаваны за некалькі кіламетраў ад горада, паведамляе Брэсцкая газета.
Адной з тэм абмеркавання пратэстуючых стаў збор подпісаў пад іх заявай у Брэсцкія аблвыканкам, гарвыканкам, райвыканкам, а таксама ў Савет Міністраў Беларусі і ТАА «Акумулятарны альянс».
Сёлета ў маі стала вядома, што скандальнае прадпрыемства пад Брэстам выкупілі новыя ўладальнікі, якія змянілі назву таварыства з ТАА «АйПаўэр» на ТАА «Акумулятарны Альянс».
«Мы лічым, што іх заява аб дыялогу была папулісцкай і зроблена з адзінай мэтай — прыбраць людзей з плошчы. Але паколькі ўладальнікі людзі адказныя, мы зараз збіраем подпісы пад зваротам да старшыні аблвыканкама аб садзейнічанні ў правядзенні грамадскіх абмеркаванняў менавіта новага праекта», — сказаў 14 чэрвеня на плошчы адзін з лідараў пратэстнага руху Дзмітрый Бекалюк.
Па агульным меркаванні праціўнікаў завода, правядзенне паўнавартасных грамадскіх абмеркаванняў праекта акумулятарнага завода «Акумулятарны Альянс» і справаздачы аб уздзеянні яго на навакольнае асяроддзе — аптымальны варыянт вырашыць канфлікт паміж мясцовымі жыхарамі і ўладальнікамі акумулятарнага завода.
Абмеркавалі на плошчы ў гэту нядзелю і маючы адбыцца прыезд у Брэст Лукашэнкі. Паводле папярэдняй інфармацыі, яго візіт чакаецца ў панядзелак 22 чэрвеня. У сувязі з гэтым актывісты не збіраюцца адмаўляцца ад традыцыйнай акцыі на плошчы, якая мае адбыцца напярэдадні, 21 чэрвеня.
Пасля акцыі пратэсту ўдзельнікі пайшлі па цэнтральных вуліцах Брэста да кінатэатра «Беларусь».
Цяпер чытаюць
Офіс пра скандал з Ціханоўскім: Брытанская віза была аплачаная, але ён так і не падаўся на здачу адбіткаў пальцаў3
Каментары