СААЗ аб'явіла аб спыненні даследаванняў гідраксіхларахіну. Прэпарат не ратуе ад каранавіруса
Сусветная арганізацыя аховы здароўя спыняе клінічныя выпрабаванні лячэння COVID-19 гідраксіхларахінам, прэпаратам супраць малярыі, паведамляе Reuters.
Даследаванне гідраксіхларахіну было спынена з-за адсутнасці яго эфектыўнасці або хаця б нейкай карысці.
Пра гэта сказала на брыфінгу эксперт СААЗ Ана Марыя Энао-Рэстрэпа.
У заяве, апублікаванай пазней у сераду, СААЗ заявіла, што гэта рашэнне было заснавана на выніках комплекснага даследавання, якое паказала, што прэпарат не дапамагае пацыентам COVID-19.
Даследаванні «паказалі, што гідраксіхларахін не прыводзіць да зніжэння смяротнасці шпіталізаваных пацыентаў COVID-19», гаворыцца ў заяве СААЗ.
Упраўленне па кантролі за прадуктамі і лекамі ЗША ў панядзелак адклікала свой дазвол на надзвычайнае выкарыстанне гідраксіхларахіну для лячэння COVID-19, заявіўшы, што больш няма падстаў меркаваць, што гідраксіхларахін і звязаны з ім прэпарат хларахін будуць эфектыўныя ў лячэнні гэтай хваробы.
Раней прэзідэнт ЗША Дональд Трамп казаў, што прымае гідраксіхларахін у якасці прафілактычнага сродку ад каранавіруса.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары