З 21 чэрвеня са Светлагорска да Мінска можна будзе даехаць за тры гадзіны на электрычцы
Са Светлагорска ў першы рэйс цягнік № 754 Светлагорск-на-Бярэзіне—Мінск адправіцца 21 чэрвеня ў 19:04 і прыбудзе ў сталіцу Беларусі ў 21:44. З Мінска цягнік № 754 Мінск—Светлагорск-на-Бярэзіне ўпершыню адправіцца 26 чэрвеня ў 15:50 і прыбудзе ў Светлагорск у 18:47. Далей гэтыя цягнікі будуць курсіраваць па пятніцах, суботах і нядзелях, паведамляе Беларуская чыгунка.
Для арганізацыі штодзённай перавозкі пасажыраў па маршруце Светлагорск—Жлобін—Мінск прадугледжана курсіраванне цягніка № 756. З Мінска цягнік № 756 Мінск—Светлагорск-на-Бярэзіне адправіцца ў першы рэйс 21 чэрвеня ў 20:48 і прыбудзе ў Светлагорск у 23:47. У адваротным кірунку цягнік адправіцца са Светлагорска 22 чэрвеня ў 05:01 і прыбудзе ў Мінск у 07:53.
Па маршруце руху цягнікоў прадугледжаны прыпынкі на станцыях Жлобін, Бабруйск, Асіповічы-1, Пухавічы.
Гэтыя цягнікі будуць абслугоўвацца сучасным, камфортным рухомым саставам.
Кошт праезду на электрацягніках рэгіянальных ліній бізнес-класа ЭПР па дадзеным маршруце складае 9 рублёў 4 капейкі. Праязныя дакументы (білеты) можна аформіць у адзіным раздзеле «Паслугі пасажырам» на афіцыйным сайце Беларускай чыгункі (pass.rw.by), у мабільным дадатку «БЧ. Мой поезд», а таксама ў чыгуначных касах.
Цяпер чытаюць
Галыгіна прымусілі апраўдвацца за зварот да сілавікоў у 2020-м14
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары