Адпяванне адбудзецца 14 красавіка ў адной з салігорскіх цэркваў.
Праваслаўная царква дала дазвол на адпяванне праваабаронцы Яны Паляковай, якая пакончыла з сабой у ноч на 7 сакавіка.
Пра гэта БелаПАН паведаміла юрыст Тамара Сяргей.
Паводле яе слоў, адпяванне адбудзецца 14 красавіка ў адной з салігорскіх цэркваў.
«2 красавіка мы хадзілі на прыём да ўладыкі Філарэта, склалі прашэнне на яго імя. Нас, мяне і суседку Паляковай, прыняў сакратар мітрапаліта. І раніцай 10 красавіка маці Яны, Неаніла Міхайлаўна, атрымала благаславенне ад мітрапаліта Філарэта на адпяванне Яны Паляковай», — паведаміла Т.Сяргей.
Як зазначыла юрыст, па праваслаўнай традыцыі адпяванне памерлага можна правесці на працягу 40 дзён пасля яго смерці.
15 красавіка заканчваецца 40‑дзённы тэрмін з дня смерці Паляковай. 14 красавіка маці загінулай праваабаронцы споўніцца 70 гадоў.
Яна Палякова, юрыст па прафесіі, з’яўлялася актывісткай незарэгістраванай арганізацыі «Прававая дапамога насельніцтву», супрацоўнічала з іншымі праваабарончымі арганізацыямі, уваходзіла ў склад ініцыятыўнай групы дачкі Аляксандра Казуліна Вольгі на парламенцкіх выбарах 2008 года.
3 сакавіка 2009 года суд Салігорскага раёна прызнаў Палякову вінаватай па ч. 2 арт. 400 КК (заведама непраўдзівы данос). Яе, у прыватнасці, абвінавацілі ў непраўдзівым даносе на супрацоўніка міліцыі і прыгаварылі да двух з паловай гадоў абмежавання волі з адбываннем пакарання ў папраўчай установе. Акрамя таго, па рашэнні суда яна павінна была выплаціць міліцыянеру 1 млн. рублёў у якасці кампенсацыі за маральны ўрон. Палякова лічыла сябе невінаватай. Яна пакончыла жыццё самагубствам у ноч на 7 сакавіка.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары