«Я разам з дзецьмі хавалася ў лазні, бо міліцыя дзяжурыла каля майго дома»
«Слухаю расповед пра тое, як у Паставах судзілі актывістку з Варапаева. За тое, што яна ў мясцовым чаце прапанавала ў нейкі там дзень у канцы траўня сабрацца ў парку і пагаварыць пра тое, як арганізаваць збор подпісаў за аднаго з кандыдатаў на пасаду прэзідэнта, — расказвае ў сябе ў фэйсбуку дапісчык «Нашай Нівы» Кастусь Шыталь. — У яе пытаюцца, чаму яна сама не прыйшла на сустрэчу. (Трэба сказаць, што ніхто не прыйшоў.)
«Бо я разам з дзецьмі хавалася ў лазні, бо міліцыя дзяжурыла каля майго дома», — кажа актывістка.
І я вось падумаў: я ж шмат наслухаўся гісторый пра тое, як хтосьці ў лазні, ці ў хлеве, ці ў лесе хаваўся ад прадстаўнікоў улады. Але то былі ці часы нямецкай акупацыі, ці савецкія часы Сталіна. А на дварэ цяпер 2020 год…
Што праўда, далі жанчыне ўсяго 3 базавыя штрафу — гэта 81 беларускі рубель. Нечакана мала для палітычнай справы.
Цяпер чытаюць
Зніклы Котаў выехаў з Турцыі морам — магчыма, у бок Расіі17
Каментары