Прэзідэнт Францыі Эманюэль Макрон, які знаходзіцца з візітам у Літве, раніцай сустрэўся з лідарам беларускай апазіцыі Святланай Ціханоўскай, піша Delfi.lt.
Ціханоўская атрымала абяцанне дапамогі ў імкненні да перамоваў па ўрэгуляванні палітычнага крызісу і вызваленні палітычных вязняў.
«Ён паабяцаў нам зрабіць усё, каб дапамагчы ў перамовах [па вырашэнні] палітычнага крызісу ў нашай краіне», — сказала журналістам у аўторак Ціханоўская.
Як паведаміла ў аўторак прэс-сакратарка Ціханоўскай Ганна Красуліна, на сустрэчы з кіраўніком Францыі павінна была абмяркоўвацца асноўная тэма — магчымасць арганізаваць перамовы аб правядзенні новых прэзідэнцкіх выбараў у Беларусі і магчымым пасярэдніцтве іншых краін, сярод іх і Францыі.
Міністр замежных справаў Літвы Лінас Лінкявічус наступным чынам пракаментаваў сустрэчу Ціханоўскай і Макрона.
«Сам факт сустрэчы пасылае выразны мэседж і сведчыць пра падтрымку грамадзянскай супольнасці Беларусі, падтрымку апазіцыі. Заява Макрона, што Лукашэнка мусіць пакінуць пасаду, таксама сведчыць пра вельмі выразную пазіцыю», — заявіў Лінас Лінкявічус.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам1
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары