6 траўня ў Мінску, у выставачным павільёне па праспекце Пераможцаў, 14, адкрылася выстава‑кірмаш «Купляйце беларускае».
Як паведамілі БелаПАН у НВЦ «Белэкспа», мэта выставы — «садзейнічанне выкананню даручэнняў урада Беларусі па рэалізацыі складскіх запасаў гатовай прадукцыі айчынных вытворцаў». У ходзе гэтага мерапрыемства рэалізацыя тавараў народнага спажывання будзе ажыццяўляцца з мінімальнай гандлёвай надбаўкай.
Выстава праводзіцца сумесна з канцэрнамі Беллегпрам, Беллеспаперпрам, Белдзяржхарчпрам, Белнафтахім, Белмастацпромыслы і Мінскім гарвыканкамам пры падтрымцы міністэрстваў прамысловасці і гандлю.
На выставе прадстаўлены прадукты харчавання, тавары лёгкай і тэкстыльнай прамысловасці, цацкі, кнігі, альбомы, часопісы і перыядычныя выданні, мэбля для дома і офіса, прадукцыя для адпачынку і турызму, дэкаратыўна‑прыкладныя і мастацкія вырабы, посуд, электрабытавыя, гаспадарчыя тавары, касметыка і парфумерыя, сродкі гігіены, аксесуары для індывідуальнага догляду, прадметы бытавой хіміі, будаўнічыя і апрацоўчыя матэрыялы.
Выстава будзе працаваць па 11 траўня.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары