Іллі Салею пад хатнім арыштам дазволена размаўляць толькі з адвакатам, некалькі разоў на дзень да яго прыходзяць і тэлефануюць супрацоўнікі міліцыі, каб праверыць яго наяўнасць дома. Пра гэта Tut.by распавёў бацька і адвакат Іллі Салея Васіль Салей.
— У пятніцу ў канцы працоўнага дня нам патэлефанаваў следчы і сказаў, што прынятая пастанова аб змене меры стрымання з утрымання пад вартай на хатні арышт. Дзесьці ў 18:30 ён ужо выйшаў са следчага ізалятара, у 19:00 мы адвезлі яго дадому. Цяпер Ілля знаходзіцца дома, пачуваецца нармальна, чытае, адмываецца, нібы ніякіх бачных наступстваў паўтарамесячнага знаходжання ў месцах не гэтак аддаленых пакуль няма, — распавёў Васіль Салей.
Са слоў бацькі Салея, да адваката ўжытыя ўсе абмежаванні паводле арт. 125 КПК («Хатні арышт»): Іллі нельга выходзіць на вуліцу, бачыцца з роднымі і сябрамі, карыстацца інтэрнэтам.
— Адзінае — у яго дома няма супрацоўніка міліцыі, ён знаходзіцца там адзін, але правяраюць яго рэгулярна, некалькі разоў на суткі: супрацоўнікі міліцыі і прыходзяць, і тэлефануюць.
Паколькі Ілля жыве адзін, не з намі, то бачыцца з ім я магу толькі як яго адвакат, не як член сям'і. Мама яго ўбачыць не можа — па КПК ён можа бачыцца толькі з сумесна пражываючымі членамі сям'і, — распавёў Васіль Салей.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары