Экс-дырэктар Купалаўскага тэатра, сябра Прэзідыума Каардынацыйнай рады Павел Латушка разам з прадстаўнікамі дэмакратычных палітычных сіл Беларусі абвясціў пра стварэнне Народнага антыкрызіснага кіравання (НАК).
Як патлумачыў у сваім відэазвароце Латушка, у той час як Каардынацыйная рада створана для правядзення перамоваў, НАК будзе органам, які забяспечвае дасягненне мэтаў — пачатку перамоваў і стабільнасці ў краіне ў момант пераходу ўлады да дэмакратычных сіл. Орган таксама будзе вырашаць задачы, якія стаяць перад краінай з моманту сыходу экс-прэзідэнта да новых выбараў і пераходу ўлады да новага ўрада.
— Усе, хто працаваў у штабах кандыдатаў у прэзідэнты, хто дапамагаў у якасці валанцёраў, усе, хто выходзіць кожны тыдзень на вуліцы Беларусі, усе, хто далучыўся да страйкаў, усе, хто перастаў выконваць загады або звольніўся, усе, хто пацярпеў за сваю пазіцыю, трапіў у СІЗА, на «суткі», пазбавіўся бізнэсу, працы — мы ўсё зрабілі ў гэтым годзе здавалася б немагчымае. Настаў час рухацца далей. Улада чарговым разам праігнаравала патрабаванні народа вызваліць палітвязняў, спыніць гвалт, пакараць вінаватых, прызначыць новыя выбары. На вуліцах зноў стральба і выбухі, параненыя мірныя дэманстранты, сотні затрыманых — гэта адказ на прапанову дыялогу па-за межамі СІЗА, — заявіў Латушка.
Ён дадаў, што беларускія ўлады — банкруты, і беларусы самі ведаюць, як выйсці з палітычнага і эканамічнага крызісу і прававога дэфолту, таму прынята рашэнне стварыць Народнае антыкрызіснае кіраванне.
— Беларусам патрэбныя дзеянні па выхаду з крызісу. Наша каманда ў дапамогу штабу нацыянальнага лідара і КР выступае з канкрэтнымі прапановамі: як ліквідаваць прычыны крызісу, дамагчыся пачатку перамоваў, выправіць сітуацыю ў эканоміцы, аднавіць законнасць і іншыя. Для гэтага мы фарміруем каманду спецыялістаў, адказных за распрацоўку і выкананне гэтых планаў, — дадаў Латушка.
Да Народнага антыкрызіснага кіравання могуць далучыцца ўсе ахвотныя.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары