«У кожным раёне вызначана 3-6 месцаў, якія патрабуюць увагі»: у Мінскгарвыканкаме распавялі, як будуць змагацца з вулічнай актыўнасцю
У Мінску працу па навядзенні парадку сканцэнтруюць на тэрыторыях, якія падвергнутыя ўплыву «дэструктыўна настроеных грамадзян», — паведамляе Мінгарвыканкам у сваім тэлеграм-канале.
Арцём Цуран, намеснік старшыні Мінгарвыканкама, сказаў наступнае: «Паўнамоцтвы ўсіх службаў горада прапісаныя заканадаўча, і іх дастаткова для навядзення парадку ў Мінску. У межах гэтых паўнамоцтваў службы і будуць дзейнічаць.
Планам мерапрыемстваў прадугледжваецца «канцэнтрацыя намаганняў на тэрыторыях, якія найбольш схільныя ўплыву дэструктыўна настроеных грамадзян, псаванні маёмасці».
Арцём Цуран патлумачыў, што гаворка ідзе пра ўзмацненне растлумачальнай працы, дзяжурствы і замацаванне за такімі тэрыторыямі службовых асоб і кіраўнікоў службаў, якія адказваюць за падтрыманне парадку.
У кожным адміністрацыйным раёне вызначаны ад 3 да 6 месцаў, якія патрабуюць асаблівай увагі. Іх пералік будзе адлюстраваны ў плане мерапрыемстваў, які прапануюць сёння зацвердзіць на сесіі Мінгарсавета.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары