Сёння ў судзе Кастрычніцкага раёна Мінска слухалася справа Ігара Аўсяніка, Senior Director EPAM. Яго асудзілі на 15 сутак (суддзя — Рудэнка), паведамляе dev.by са спасылкай на праваабаронцаў.
Аўсянік праходзіў па артыкуле 23.34 КаАП «Парушэнне парадку арганізацыі або правядзення масавых мерапрыемстваў». Дзе ён будзе адбываць арышт, пакуль невядома.
Ігар Аўсянік быў затрыманы ў нядзелю, жонка распавядала, што дырэктар EPAM спачатку трапіў у Першамайскае РУУС, а затым быў дастаўлены на Акрэсціна. Дагэтуль невядома, пры якіх абставінах ён быў затрыманы.
Прэс-служба EPAM не змагла пракаментаваць затрыманне супрацоўніка.
Ігар Аўсянік працуе ў EPAM амаль 22 гады. Пачаў з пасады Software Testing Manager, доўгі час быў дырэктарам Беларускага офіса, потым кіраваў персаналам у Вялікабрытаніі, Германіі, Нідэрландах, Швейцарыі і Аўстрыі. Цяпер кіруе праектамі ў Індыі, Нідэрландах, Мексіцы, Кітаі, В'етнаме, накіраванымі на інтэграцыю новых падраздзяленняў у кампанію.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары