Каранавірусам у свеце заразіліся 67 мільёнаў чалавек, з іх 5 мільёнаў — за апошнія восем дзён
Топ-5 краін-лідараў па колькасці інфікаваных застаецца нязменным: ЗША, Індыя, Бразілія, Расія, Францыя. За апошнія восем дзён на планеце заразіліся больш за 5 млн чалавек.
Ва ўсім свеце колькасць тых, хто захварэў на каранавірусную інфекцыю, перавысіла адзнаку ў 67 млн. Гэта вынікае з статыстыкі амерыканскага універсітэта Хопкінса, што адсочвае заражэнне каранавірусам у рэжыме рэальнага часу.
На 6:00 7 снежня фіксавалася 67 009 962 інфікаваных, 1,535 млн смерцяў і 43,07 млн ачунялых. Лідарам па колькасці хворых застаецца ЗША — 14,75 млн. На другім месцы Індыя з 9,64 млн, на трэцім Бразілія — 6,6 млн. Расія займае чацвёртую пазіцыю з 2,43 млн заражэнняў, замыкае топ-5 Францыя (2,34 млн).
За апошнія восем дзён колькасць хворых на каранавірусную інфекцыю ў свеце павялічылася на 5 млн — 29 лістапада гэты паказнік пераадолеў адзнаку ў 62 млн чалавек.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ22
Каментары