Праз прарыў каналізацыйнага калектара ў Оршы сцёкавыя воды трапілі ў Дняпро
У Оршы прарвала каналізацыйны калектар, сцёкавыя воды трапілі ў Дняпро, паведамляе МНС.
24 снежня ў 15.30 выратавальнікам паступіла паведамленне аб аварыйным скідзе сцёкавых вод у раку Дняпро ў выніку пашкоджання каналізацыйнага калектара.
Работнікі інспекцый прыродных рэсурсаў і аховы навакольнага асяроддзя абследавалі акваторыю ракі, бачных забруджванняў паверхні вады і мора рыбы выяўлена не было. Узялі пробы вады для правядзення аналізаў, вынікі будуць вядомыя 29 снежня. Адключэнне спажыўцоў не праводзілася.
У 20.30 калектар быў адноўлены.
Каментары