Мурал Сяргея Прытыцкага каля метро Пушкінская з'явіўся ў 2019-м з ініцыятывы БРСМ.
Праз год ён моцна змяніўся ад наслаенняў фарбы. Камунальнікі перамалявалі фон з бежава-ружовага на ядраны мятна-зялёны, знік подпіс Прытыцкага і блямба БРСМ. Прытыцкаму пры замалёўванні падстрыглі кучары і абрэзалі кашулю. Пятлічкі з чырвоных сталі шэрымі, змяніўся і колер твару.
Сяргей Прытыцкі — гэта тэрарыст-камуніст, які ў 1936-м страляў у правакатара сілавікоў у зале суда. Заходняя Беларусь была ў той час акупаваная Польшчай, якая ў 1930-х ператварылася ў аўтарытарную дзяржаву. Прытыцкаму прысудзілі смяротнае пакаранне, але прысуд замянілі пажыццёвым зняволеннем. У верасні 1939-га Прытыцкі выйшаў на волю, а пасля вайны быў старшынёй Прэзідыума Вярхоўнага Савета БССР.
Мінск адрозніваецца ад іншых сталіц Еўропы мізэрнай колькасцю стрыт-арту. У Беларусі графіці лічацца незаконнай творчасцю, на стварэнне іх трэба браць дазвол у выканкама.
Цяпер чытаюць
Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3
Каментары