У Брэсце крымінальная справа супраць мужа выдаўца незалежнага сайта «Бінокль»
У Брэсце супраць Паўла Гарашчанкі — мужа выдаўца незалежнага сайта «Бінокль» Дар'і Гарашчанка — распачатая крымінальная справа. Павел Гарашчанка затрыманы на 72 гадзіны, паведамляе «Еўрарадыё».
«Сёння ў іх дома і ў офісе фірмы мужа быў ператрус, — распавядае галоўная рэдактарка «Бінокля» Ксенія Пятровіч. — Падрабязнасцяў і вынікаў пакуль няма, муж пабываў на допыце і цяпер затрыманы».
26 студзеня ў офіс да Гарашчанкі, які знаходзіцца побач з рэдакцыяй «Бінокля», прыходзілі сілавікі. У межах праверкі праводзіліся «агляды», у тым ліку і дома. Па выніках былі забраныя дакументы, пячаткі, камп'ютары, смартфоны, флэшкі, нататнік. На падставе матэрыялаў праверкі следчыя вырашалі, ці ёсць падставы для завядзення крымінальнай справы (гаворка ішла пра справу «аб нявыплаце падаткаў у буйным памеры»).
Сайт і тг-канал «Бінокля» не абнаўляюцца з канца студзеня — у рэдакцыі няма тэхнічнай магчымасці гэта рабіць.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
Каментары